This is the text extract for Gout Booklet - Niuean, browse documents here.

---

Gout brochure: Niuean Version 2008

Fakamamao mo e gagao

Tau pühala ke he moui malolö tino mitaki mo e gagao gout

Hui Mamahi (Gout)

"

Tau fakatonutonuaga hagahaga mitaki ma e gagao gout

Fakapili ke he filisa haau po ke tuku fakalataha mo e tau vai läkau mo fakamanatuaga.

Tau puhala ke puipui aki e gagao gout tupu fakaofo

3 Fakatumau ke he tino mamafa malolö. 3 Kai, tolu e fafatiaga kai he aho. 3 Fifili e tau fuafua ikiiki he tau vala manu mo e tau kai tahi. 3 Fiafia ke he tau kai faama gako tokolalo he tau aho takitaha. 3 Inu fakatote e kava. 3 Inu fakalahi e vai. 3 Inu e vai läkau gout he tau aho oti, kaeke kua fakaatä atu he ekekafo haau.

Tau puhala ke tului aki e gagao gout tupu fakaofo

3 Fano fakamafiti ke he ekekafo haau ke moua e falu vai läkau fakatokolalo mamahi. 3 Puipui e faahi tino haau ne mamahi. 3 Okioki, tuku aki e peke aisa e fatia ne mamahi, ti tuku hake ki luga. 3 Inu tumau e vai läkau gout he tau aho oti. 3 Liu atu ke he ekekafo haau kaeke kua näkai fai kehe kua logona e koe he mole 24 e matahola.

---

Ko e tohi nei, fakavë ke he tohi ne tohia e Dr Peter Gow, ko e Rheumatologist he Fale Gagao a Middlemore, fakalataha foki mo Dr Hemi Williams, Ian Mete, mo Bernard Gadd. Lolomi he mahina a Masi 2008 Tuku fakalataha mo e tufatufa e PHARMAC PO Box 10-254 Wellington Telefoni ai fai totogi: 0800 66 00 50 Kupega-hila: www.pharmac.govt.nz

Tau Matapatu Kupu

Ko e heigoa kia he tohi nei ke talaatu ki a koe? 1 Ko e heigoa kia e gagao gout? 2

Ko e hä ne tupu ai e gagao gout?

3

Ko e hä ne moua ai e falu a tagata he gagao gout?

4

Puipuiaga he gagao gout tupu fakaofo Tau kai mo e tau inu ke puipui aki e gagao gout tupu fakaofo Tau vai läkau ke puipui aki e gagao gout tupu fakaofo Kua manako a PHARMAC ke fakaaue atu ki a Dr Peter Gow hä ko e haana kaufakalataha mo e tau tomatomaaga aoga lahi ma e fakakatoatoaaga mo e liu kitekite he pepa nei. Kua manako foki a mautolu ke tuku atu e tau fakaaue ke he tau matakau nei hä ko e ha lautolu a tau lagomatai: Arthritis New Zealand Auckland City Hospital Dietitians bpacnz Counties Manukau Mäori Gout Action Group Middlemore Dietitians Middlemore Hospital Rheumatology Department Tau higoa he tau vai läkau gagao gout mau Kikite mo e mailoga e fafati vaikona (uric acid) haau

5 6 8

Tau mena ke taute ka moua a koe he gagao gout tupu fakaofo Tau vai läkau ke tului aki e tau gagao gout tupu fakaofo

10 12

13

Tau fakatonutonu ma e fakaaogaaga he tau vai läkau gagao gout

14

15

Moua mai i fë foki e falu a talahauaga

15

---

Ko e tohi nei ma e tau tagata kua moua he gagao gout mo e tau magafaoa ha lautolu. Fakamaama he tohi nei e tau mena ke taute e koe mo e haau a magafaoa, ke puipui mo e tului aki e gagao gout. Ko e muitua ke he tau fakatonutonuaga i loto he tohi nei ke lagomatai a koe ke mahomo hake he gagao gout ti:

n n

Ko e tau mena mahuiga lahi ke manatu:

Maeke he gagao gout ke moumou e tau fatia mo e tau fuaifi haau kaeke kua näkai tului. Mailoga e tau mena haau ka kai mo e inu to lagomatai ke näkai mamahi a koe hä ko e gagao gout mo e näkai malona e tau fatiatia mo e tau fuaifi haau. Kaeke kua fakaatä ke fakaaoga e koe taha vai läkau ke tautaofi aki e gagao gout tupu fakaofo, kua lata ke inu e koe he tau aho oti. Kua lata i a koe mo e magafaoa haau ke iloa mitaki e tau mena ke taute ka tupu e gagao gout tupu fakaofo.

fano kehe e mamahi he gagao gout ka moua a koe he gagao gout tupu fakaofo, to näkai mamahi lahi fakaoti e malona he tau fatiatia mo e tau fuaifi haau to näkai fakalavelave he gagao gout e gahua haau, mataala mo e makaukau, po ke kai fiafia he tau mena kai lolo haau.

n

n

To lagomatai he ekekafo haau a koe ke taute e tau fakatokatokaaga ke fakafehagai mitaki mo e gagao gout haau. Liu atu ke he ekekafo ke tivi tumau mo e fakatütala ke he gahuahua mitaki he haau a tau fakatokatokaaga. Liga mitaki ke tohi hifo e koe e tau fakatütalaaga haau mo e ekekafo ke maeke i a koe mo e magafaoa haau ke iloa e tau mena ke taute. Ole ke he ekekafo haau po ke nosi ke fakamaama atu e ha mena nï kua näkai maama ki a koe.

Ko e heigoa kia he tohi nei ke talaatu ki a koe?

Fakatütala mo e magafaoa haau ke he ha lautolu a tau lagomatai ke he haau a tau faofao tino mo e kai e tau mena kai kua maeke ke puipui a koe mai he gagao gout. Fakaohooho a lautolu ke kumi e tau tului kaeke kua hä hä i ai e tau fakakiteaga ke he gagao gout hä ko e mena fä moua fakamagafaoa.

1

---

Ko e heigoa kia e gagao gout?

Fakalagalaga he gagao gout e mamahi fakaofo ke he falu fatiatia. Ko e taha faga gagao gugu. Lauia e ha fatia tino haau he gagao gout, ka e fä kamata mua he matahui motua po ke taha vala he hui. Kua kamata mamahi mo e fufula e fatia. Ko e kili foki he fatia ia, kua kula mo e kikila. Ko e gagao gout ka tupu, to tumau ke he 7-10 e aho kaeke kua näkai tului. Kaeke ke näkai tului e gagao gout: n to liu tupu fakaofo foki mo e to aofia ai e falu foki he tau fatiatia tino haau

n

Ko e ha ne tupu ai e gagao gout?

Tupu e gagao gout kaeke kua tö lahi e vaikona ko e uric acid he toto haau. Ko e mena mahani mau ke taute he tino e vaikona nei kaeke kua kai fakahänoa e falu he tau mena kai. Ko e mena mahani foki ke uta kehe he tino haau e vaikona nei, ke he tau fakapala haau. Maeke e vaikona nei ke tupu lahi i loto he toto haau kaeke kua inu e koe falu a vai läkau, kai falu a mena kai, po ke fai kelea e tau fuaifi. Kaeke kua lahi mahaki e vaikona nei he toto haau, to faliu e vaikona ke he tau tegatega maö. Ko e tau tegatega maö nei, matila tuga e tau kapahio malipilipi. Ko e tau tegatega matila nei ne fä moua ai e mamahi mo e fufula he tau fatiatia ka tupu fakaofo e gagao gout mo e maeke foki ke moumou e tau valaniu he vahäloto he tau polohuiatua. Ko e tau tegatega matila nei i lalo he kili ne moua ai e tau fulafula gagao gout. Ko e tau tegatega nei i loto he tau fuaifi ne moua ai e maö tuga e maka mo e malona he tau fuaifi.

to fuafua e tau tuli lima, tau lima mo e tau hui, to mamahi mo e fufula e tau fuafua ia, ti maeke foki ke fakalagä e gagao kili motumotu (skin ulcers) ko e tau valaniu he vahäloto he tau polohuiatua ka kamata ke malona ti kamata foki e tau fatiatia tino ke mamahi mo e kokoho to kamata e tau tegamaka he tau fuaifi ti tupu mai e mamahi mo e malona ke he tau fuaifi haau.

Polohui atua

Tupu-lahi he tau tegatega vaikona i loto he fatia

n

n

Maeke he gagao gout ke moumou e tau fatiatia tino mo e tau fuaifi haau ka näkai tului. Ko e gahua fakalataha haau, magafaoa haau, mo e ekekafo haau ke kaumahala ai e gagao gout.

Ko e fufua kamata he gagao gout

2

Ko e kili motumotu kamata he gagao gout

3

---

Ko e ha ne moua ai e falu a tagata he gagao gout?

Ko e gagao gout, loga e tau lagäaga. Tokologa e tau tagata ne moua e gagao gout mai he tau mamatua po ke tau tupuna ha lautolu. Maeke e gagao gout ke holo hifo he ohi magafaoa. Moua e gagao gout kaeke kua fai kelea e tau fuaifi. Kaeke kua malona e tau fuaifi haau, to näkai malolo ke utakehe e uric acid mai he tino haau. Mahuiga lahi e tau mena haau ka kai mo e inu. Ka kai lahi e vala manu mo e tau kai tahi, inu lahi e kava (mua atu e pia), mo e mamafa lahi e tino, to moua e gagao gout. Fai vai läkau ne moua ai e gagao gout. Ko e fakatai, ko e tau tega diuretics (fä fakahigoa foki ko e tau tegavai po ke tau tega pukepuke) ne fä fakaaoga ke tului aki e toto tokoluga, ne maeke ke tupu ai e gagao gout.

Puipuiaga he gagao gout tupu fakaofo

Hä hä i ai ua e pühala ke puipui aki e tupu he gagao gout.

n

Tokamata e tau mena haau ka kai mo e inu Ko e muitua ke he falu a fakatonutonuaga ke he tau mena kai ke lagomatai aki a koe ke tuku kehe e gagao gout tupu fakaofo.

n

Inu e tau vailakau he tau aho oti Tokologa e tagata mo e tau gagao gout ne kua moua e tau vai läkau ke puipui aki gagao gout tupu fakaofo.

Ko e ha tupumaiaga nï, maeke e gagao gout ke tului.

4

5

---

Ko e muitua ke he tau fakatonutonuaga nei ke maeke ai ke fakatokolalo e fafati vaikona he toto haau, mo e lagomatai a koe ke tuku kehe aki e gagao gout tupu fakaofo.

1

Fakatumau ke he tino mamafa malolö

Kaeke kua molea e mamafa haau, ko e fakamämä e taha pühala aoga lahi ke tului aki e gagao gout. Kaeke kua näkai molea e mamafa haau, lali ke fakatumau e tino mamafa malolö ia. Ko e tino mamafa ke fakatolomaki aki e lahi he vaikona he toto haau. Pete nï he tote e tama vala mamafa ne kua mole kehe, ka to lagomatai atu ke tuku kehe e gagao gout.

Tau kai mo e tau inu ke puipui aki e gagao gout tupu fakaofo

4

Kai e tau kai faama gako tokolalo he tau aho oti

5

Inu fakatote e kava

To lagomatai he, kai ua e fafati kai faama gako tokolalo he tau aho oti, ke puipui a koe mai he gagao gout. Ko e fafati taha, ko e taha e kalase huhu huihui po ke taha e lupo he yoghurt po ke ua e vala siisi gako tokolalo po ke taha e mena ke toluaki he kapiniu he siisi cottage.

Fakamamao mo e kava kaeke kua moua a koe he gagao gout tupu fakaofo. Kaeke kua logona kua malolö a koe, inu ua nï e fafati inu fakalatalata he aho taha. Lali ke fakamamao mai he pia hä ko e mena fä moua e gagao gout tupu fakaofo ka inu nï he pia mai he falu a kava kehekehe. Ko e taha e fafati inu, 100 mila he uaina (hafa e tama kalase uaina tote) po ke 30 e mila he kava maö (taha e nipi).

6

Inu fakalahi e vai

2

Kai tolu e fuafuaaga kai he tau aho takitaha

Fakavehä ka e fakatatai haau a tau fuafuaaga kai ma e aho. Ko e fakahoge po ke kai galue ke moua ai e tupu fakaofo he gagao gout.

Lali ke inu 6-8 e kapiniu vai po ke falu a inu ne näkai fio kava he tau aho oti. Kaeke kua tega maka e tau fuaifi haau kua lata ke inu fakalahi atu foki. Fakamamao mai he tau inu fakasuka hä ko e mena fa kamata a koe ke tino mamafa mo e moua e gagao gout tupu fakaofo.

3

Fifili e tau fuafuaaga ikiiki he tau vala manu, vala moa, mo e tau kai tahi

Kai ua nï e fuafuaaga ikiiki he tau vala manu, vala moa, po ke kai tahi he taha e aho. Ko e tau fuafuaaga takitaha kua lata ke tatai mo e lahi he aloalo lima haau. Ko e tau vala manu, vala moa, mo e kai tahi ke moua ai e gagao gout tupu fakaofo hä ko e mena lahi e polotini (protein) i ai. Ka kai e koe e polotini, fakatupu mai he tino haau e vai kona. Fakataitai e tau fua pine, tau tega pï, tau lenetolo mo e tau tofu ka e tiaki e tau vala manu. Tokolalo e polotini mai he tau fua pine, tega pï, lenetolo mo e tofu ke he tau vala manu mo e kai tahi.

Liga to kitia e koe hä hä i ai e falu a mena kai ne fä fakalagalaga aki e gagao gout tupu fakaofo ki a koe. Ko e falu tagata, ka inu e lautolu taha nï e apa pia, kua moua tai he gagao gout tupu fakaofo. Fekehekeheaki e mena nei ke he tau tagata oti. Mailoga e tau mena kai ne fä lagä ai e tupu fakaofo ki a koe, ke fakamamao mai i ai po ke kai fakatote.

6

7

---

Hä hä i ai ua lä e vai läkau ne maeke i a koe ke inu ke tautaofi aki e gagao gout tupu fakaofo. Fakahigoa e tau vai läkau nei, ko e allopurinol mo e probenecid. Tautaofi he tau vai nei e gagao gout tupu fakaofo he fakatokolalo e fafati vaikona he toto haau. Ko e magaaho ka kamata ai a koe ke inu e taha he tau vai läkau nei, kua lata ke inu tumau he tau aho oti, pete nï he logona e koe e malolo he tino haau, Ka näkai inu e koe e vai läkau to moua e koe e gagao gout tupu fakaofo. Liga to atu foki he ekekafo haau e vai läkau fakatokolalo mamahi ke inu he tau mahina fakamua he inu haau he allopurinol po ke probenecid. Ko e taute pehë nei hä ko e falu magaaho moua e gagao gout tupu fakaofo ka kamata inu e tau vai läkau ua nei.

Allopurinol

(fakaleo a-lo-piu-a-li-nol)

Probenecid

(fakaleo polö-ben-i-sit)

Ma hä hai e mena nai

Ko e tau tagata ne moua loga hake he taha e gagao gout tupu fakaofo he tau taha po ke tau fulafula gagao gout po ke tau fuaifi tegatega maka, ne fä mahani ke inu e allopurinol.

Ko e tau tagata ne näkai inu he allopurinol hä ko e tau kelea lafilafi, ne fä inu he probenecid. Ko e falu tagata inu fakalataha e probenecid mo e allopurinol ke lagomatai aki e puipuiaga he tau gagao gout ha lautolu. Ko e mena mahuiga lahi ke inu 6-8 e kapiniu vai, huhua fua läkau, po ke huhu he tau aho oti kaeke kua inu a koe he probenecid. Maeke he probenecid ke kamata e tau tegatega maka, i loto he tau fuaifi haau kaeke ke näkai inu fakalahi a koe he ha huhua foki.

Ko e heigoa ke fakaeneene ki ai

Fano fakamafiti ke he ekekafo haau kaeke kua moua e kili haau he magiho he inu he allopurinol. Tokoua mai he 100 tagata ka inu e allopurinol ka moua he magiho e tau kili. Näkai fä kelea lahi e magiho ka e hä hä i ai nï e falu ne fä kelea lahi e magiho he tau kili.

8

Ko e tau vai lakau ke puipui aki e gagao gout tupu fakaofo

Fakamaama he fakapapahiaga nei e falu he tau kelea lafilafi mahuiga he tau vai allopuriol mo e probenecid. Näkai ko e katoatoa a nai he tau kelea lafilafi he tau vailakau nei. Hühü ke he ekekafo haau po ke tagata talavai kaeke kua manako a koe ke he falu fakailoaaga foki hagaao ke he tau kelea lafilafi he allopurinol po ke probenecid.

9

---

Lali ke fakamooli, kua iloa e koe mo e haau a magafaoa, e tau mena ke taute ka moua a koe he gagao gout.

Tau mena ke taute

Muitua ke he tau fakapapahiaga nei ke fakalaukauka aki e mamahi.

ka moua a koe he gagao gout tupu fakaofo

Fano fakamafiti ke he ekekafo haau ke moua falu a vai läkau fakatokolalo mamahi

Tau vailakau ne maeke i a koe ke fakatau mai he fale talavai mo e näkai fai laupepa fakaatä, tuga e asepulini po ke palasetamolo, näkai malolo lahi ke fakatokolalo aki e mamahi he gagao gout. Aua neke inu e tau vai läkau ne fakaatä tohi mai ma e taha tagata he neke hagahaga kelea ki a koe. Ko e vai läkau palu ma e taha tagata foki, liga to näkai ko e patu kua tütonu mo koe.

Puipui e vala he tino haau ne mamahi

Nofo he mena ne näkai lauia a koe he tau tagata. Tuku e nofoa he paka he mohega ke fakalau hake ki ai e tau kafu mo e tau mämoe ke ua mamafa hifo ke he fatia mamahi. Kaeke kua aofia e hui haau, tui e tau tëvae po ke tau silipa ne näkai moua ai ha mamahi.

Okioki, tuku e afï aisa he fatia mamahi, ti tuku hake ki luga Inu tumau e allopurinol po ke probenecid haau Liu ke kitia e ekekafo haau kaeke kua näkai laukauka mai he mole e 24 matahola

10

11

---

Tau vai lakau ke tului aki e gagao gout tupu fakaofo

Maeke e tau vai läkau ke fakatokolalo e mamahi he gagao gout tupu fakaofo. Ka e näkai maeke he tau vai läkau nei ke puipui e malona he tau fatiatia, tau fulafula gagao gout po ke gagao kili motumotu. Hä hä i ai tolu e faga vai lakau ne fa fakaaoga ke tului aki e gagao gout tupu fakaofo. Ko e tau vaikona huhua ai vela ka tugi (non-steroidal anti-inflammatory drugs, corticosteroid, mo e colchicines).

Corticosteroids

(fakaleo: ko-ti-ko-ste-roids)

Fakahigoa foki e tau corticosteroids ko e tau steroids. Näkai tatai a lautolu mo e tau steroida ne fakaaoga he tau fakafiafia tino ke tälaga hake aki ha lautolu a tau lekeleke. Maeke e tau corticosteroids ke inu tuga e tau tegavai po ke huki. Kaeke kua moua a koe he gagao iniini, ko e fakaaoga he corticosteroids ke uka lahi ai e gagao iniini haau he tautaofi. Tütala mo e ekekafo haau hagaao ke he, ko e heigoa haau ke taute ke tautaofi aki e gagao iniini ka e ha ne inu he tau corticosteroids. Ko e tau corticosteroids fakaaoga tumau ma e gagao gout, ko e prednisone, methylprednisolone, mo e triamcinolone.

Kikite mo e mailoga e fafati vaikona haau

Fakakite he fakaholoaga nei e kehekehe he tau fafati vaikona he tau tagata ne moua he gagao gout.

1.0 0.9

H AGAH AGA KELEA T OKOLU GA

Maeke he ekekafo haau ke kikite e fafati he vaikona he toto haau mai he taha vala toto tivi. Mitaki ka kikite tumau e fafati vaikona haau lagataha he tau. Hühü ke he ekekafo haau po ke nosi ko e heigoa e fafati vaikona haau. Kaeke kua fakamau tumau e koe e tau fafati vaikona haau, to kitia ai e koe, ko e aoga e huhui he moui haau mo e inu he tau vailakau ke tautaofi aki e gagao gout haau. Lali ke tumau e fafati vaikona haau he 0.36 e millimole he taha e litre (mmol/L). To lagomatai he laliaga nai ke puipui e tau gagao gout tupu fakaofo, malona he tau fatiatia mo e tau fuaifi tega maka ti tö fakaikiiki foki e tau fulafula gagao gout haau. Ke fakatumau e fafati vaikona haau ki lalo he 0.36, kua lata i a koe ke inu e vailakau (allopurinol po ke probenecid) he tau aho oti mo e muitua e tau fakatonutonuaga mena kai he laupepa 6 mo e 7.

(NSAIDs) (fakaleo: ene setes)

TAU FAFATI VAIKONA (MMOL/L)

Tau vaikona huhua ai vela ka tugi

Kua lata e tau NSAIDs ke fakaaoga nï he tau magaaho kükü, tuga e falu a aho po ke faahi tapu. Ko e pihia hä ko e mena fä fai kelea lafilafi ka moua tuga e fatafata okaoka, manava mahukihuki, kili magiho mo e lekua he tau fuaifi mo e atefua. Ko e tau NSAIDs fakaaoga tumau ma e gagao gout, ko e diclofenac mo e naproxen.

0.8 0.7 0.6 0.5 0.4 0.3 0.2 0.1 0

IanualiApelila ApelilaIulai IulaiOketopa Oketopaianuali

Colchicine

(fakaleo: kol-chi-sin)

Ko e mena fa fakaaoga nï e colchicine kaeke kua lata a koe mo e NSAID po ke corticosteroid. Ko e mena aoga lahi ke muitua a koe ke he tau fakatonutonuaga he ekekafo haau ke he tau fuafuaaga inu he colchicine. Ko e inu lahi he colchicine ke kamata ai e tau kelea lafilafi hagahaga kelea. Hä hä he taha e tegavai, 0.5 e milikuleme (mg) he colchicine. Aua neke inu loga hake he lima e tegavai he 24 e tulä fakamua he moua ai e gagao gout tupu fakaofo, po ke loga hake he 12 e tagavai he fä e aho. Kaeke kua hä hä i a koe e tau kelea fuaifi po ke liver po ke motua e tino, fakatokolalo hifo foki e fuafuaaga haau. Hühü ke he ekekafo haau po ke tagata talavai kaeke kua näkai iloa tonu e koe, ko e fiha e tegavai ka inu. Fakaoti fakamafiti e inu colchicine kaeke kua moua e koe e manava mamahi, hihï, hähälua (nausea), po ke kokö. Fano ke he ekekafo haau kaeke kua tumau e manava mamahi, hihï, hähälua (nausea), po ke kokö he mole e fakaoti he inu colchicine.

Fakaoti fakamafiti e inu colchicine kaeke kua moua e koe e manava mamahi, hihï, hähälua (nausea), po ke kokö.

Ko e laini tea kua fakakite mai ai e fafati vaikona (uric acid) he tagata gagao gout ne näkai inu tumau ha vai läkau gagao gout po ke kai mo e inu he tau kai tonuhia ke fakalatalata aki e gagao gout haana. Kua holo hake tumau ki luga e fafati vaikona haana, ti kua hoko a ia ke hagahaga kelea ke he loga he tau gagao tupu fakaofo, fulafula gagao gout, tau fuaifi fai lekua, mo e tau fatiatia malona. Ko e laini uli kua fakakite mai ai e fafati vaikona he tagata ne kua inu allopurinol he tau aho oti ti kai mo e inu fakalotomatala. Ko e fafati vaikona haana kua to ki lalo hifo 0.36 ti ko e magaaho nei, kua näkai ligaliga a ia ke moua e gagao gout tupu fakaofo.

12

HA GA HA GA KELEA T OK OL ALO

13

---

Tau fakatonutonu ma e fakaaogaaga he tau vai lakau gagao gout

Hanai falu a mena gähoa ke taute e koe ke moua lahi e aoga mai he tau vai läkau haau.

Tau higoa he tau vai lakau gagao gout mau

Faga vai läkau Tau vai läkau ke puipui aki e tau gagao gout tupu fakaofo Higoa he vala gahuahua allopurinol probenecid Tau higoa kautaha Allohexal, Allorin, Apo-Allopurinol, Progout Probenecid

Iloa e tau higoa he tau vai läkau haau

Ko e tau vai läkau oti, takiua e higoa. Taha, ko e higoa he tau vai ne taute aki ti ko e taha, ko e higoa he kautaha ne taute. Lali fakamooli ke iloa e taha he tau higoa he tau vai läkau takitaha haau. Kikite ke he potaaga higoa he laupepa 15. Tau vailakau ke fakatokolalo aki e mamahi he gagao gout tupu fakaofo colchicine naproxen Colgout Noflam, Naprogesic, Naprosyn, Naxen, Noflam, Sonaflam, Synflex, Apo-Naproxen Voltaren, Apo-Diclo, Cataflam, Diclax, Flameril, Diclohexal Nurofen, I-Profen, Brufen, Ibucare, Apo-Ibuprofen Medrol (tegavai), Depo-Medrol (huki) Kenacort (huki)

Iloa e pühala ke inu aki e tau vai lakau haau

Lali fakamooli ke iloa e lahi he vai läkau ke inu, pühala ke inu aki, mo e a fë ke fakaoti ai e inu he tau vai lakau haau.

diclofenac ibuprofen methylprednisolone triamcinolone

Talaage ke he ekekafo haau mo e tagata talavai e tau vai läkau oti haau ne fä e inu

Maeke he falu a vai läkau ke fakalahi atu e kelea he gagao gout. Moua e tau kelea lafilafi ka fio e falu he tau vai läkau. Talaage ke he ekekafo haau mo e tagata talavai e tau vai läkau oti haau ne fae inu, fakalataha mo e tau vai läkau mai he taulätua haau, fale talavai, mo e fale koloa.

Fakatütala mo e ekekafo haau po ke tagata talavai ke he tau kelea lafilafi

Fai kelea lafilafi e tau vai läkau oti. Hühü ke he ekekafo haau po ke tagata talavai ko e heigoa e tau kelea lafilafi he tau vai läkau haau. Talaage ke he ekekafo haau kaeke kua manatu a koe liga fai kelea lafilafi a koe.

Aua neke age e tau vai läkau ke he falu

Liga hagahaga kelea ki a koe e inu he tau vai läkau tala ma e taha tagata. Ko e vai läkau tala ma e falu a tagata, liga näkai lata tonu mo koe.

Ko e tau talahauaga he fakapapahiaga nei kua fakafoou ai i a Fepuali 2008. Liga fai talahauaga ne lalafi atu po ke uta kehe mai he fakapapahiaga nei tali mai he magaaho ia. Maeke he tagata talavai haau ke talaatu ki a koe e tau faga vai läkau ne hä hä i ai mo e taki fiha e tau totogi.

Tuku e tau vai läkau fakamamao mai he tau fänau

Pete nï he ikiiki e tau fuafua vai läkau tagata motua ka e hagahaga kelea agaia nï ke he tau fanau.

Moua mai i fe foki e falu a talahauaga

Arthritis NZ (www.arthritis.org.nz) Fakakite he kupega hila nei falu talahauaga ke he tau faga gagao gugu mo e tau tului. Tau tului mitaki lahi (www.besttreatments.co.uk) Ko e kupega hila mai he kautü a United Kingdom a nei kua fakakite mai ai e tau talahauaga tuahä hagaao ke he tau tului ne aoga ma e tau tüaga kehekehe loga. Hä hä i ai e tau talahauaga fakamatafeiga ke he tau tului ma e gagao gout.

14

15